Ronaldo Avropanın ən yaxşısı seçildi

"Real Madrid"in futbolçusu Kriştianu Ronaldo 2017-ci ildə Avropanın ən yaxşı idmançısı seçilib.

Teleqraf.com xəbər verir ki, 32 yaşlı hücumçu 26 beynəlxalq informasiya agentliyi arasındakı sorğuda birinci yeri tutub.

Ronaldo "Formula-1" üzrə dünya çempionu Lüis Hemiltonla tennisçi Roje Federer və Rafael Nadalı üstələyib. Polşanın PAP agentliyinin 1958-ci ildən təqdim etdiyi mükafatı o, ardıcıl ikinci dəfə qazanıb.

Kriştianu Ronaldo 2017-ci ildə "Real Madrid"in heyətində İspaniya La Liqasının, Çempionlar Liqasının, Klublararası Dünya Çempionatının, UEFA və İspaniya Super Kubokunun qalibi olub. Portuqaliya millisi ilə isə o, 2018-ci il dünya çempionatına vəsiqə qazanıb.