DÇ - 2018: İsveç 1/4-də

Bu gün DÇ-2018-in 1/8 final mərhələsinə yekun vurulacaq.

Teleqraf.com-un xəbərinə görə, keçirilicək iki oyunla sonuncu 1/4 final cütlüyü də müəyyənləşəcək.

İlk olaraq mundialın sürpriz komandaları İsveç və İsveçrə qarşılaşırlar. F qrupunda Meksika, Almaniya və Cənubi Koreya ilə mübarizə aparan İsveç lider kimi bu mərhələyə vəsiqə qazanıb.

İsveçrə isə Braziliya, Kosta-Rika və Serbiya ilə birgə E qrupunda yarışıb və 2-ci yerin sahibi kimi pley-offa yüksəlib.

Günün digər oyununda İngiltərə Kolumbiya ilə qarşılaşacaq. G qrupunda Belçika, Tunis və Panama ilə mübarizə aparmış ingilislər 2 qələbə və 1 məğlubiyyətlə qrup 2-cisi olub.

Kolumbiya isə H qrupunda Yaponiya, Seneqal və Polşa ilə pley-off uğrunda yarışıb. Cənubi amerikalılar 2 qələbə və 1 məğlubiyyətlə qrup lideri olub.

Qeyd edək ki, İsveç - İsveçrə və Kolumbiya - İngiltərə cütünün qalibləri 1/4 final mərhələsində üz-üzə gələcəklər.

DÇ-2018

1/8 final

3 iyul

18:00. İsveç - İsveçrə - 1:0

qollar: Emil Forsberq (66)

Hakimlər: Damir Skomina, Yure Praprotnik, Robert Vukan (hamısı Sloveniya), Navaf Şukralla (Bəhreyn).

Sankt Peterburq, "Sankt-Peterburq" stadionu

22:00. Kolumbiya - İngiltərə
Hakimlər: Mark Qeyqer (ABŞ), Co Fletçer (Kanada), Frank Anderson (ABŞ), Mettuu Konqer (Yeni Zelandiya).

Moskva, "Spartak" stadionu.

30 iyun

Uruqvay - Portuqaliya - 2:1

Fransa - Argentina - 4:3

1 iyul

İspaniya - Rusiya - 1:1 pen-2:4

Xorvatiya - Danimarka - 1:1 pen-3:2

2 iyul

Belçika - Yaponiya - 3:2

Braziliya - Meksika - 2:0