“Komanda gözlədiyimizdən də yaxşı vəziyyətdədir” - Baş məşqçi

“Zirə”nin baş məşqçisi Samir Abasov dünən “Qəbələ”yə qarşı keçirdikləri yoxlama oyununu şərh edib.

Teleqraf.com xəbər verir ki, o, 1:1 hesabıyla başa çatan oyundan sonra bunları bildirib:

“Komanda gözlədiyimizdən də yaxşı vəziyyətdədi. Təkcə bu oyuna görə yox, ümumiyyətlə, hazırlığın geridə qalan müddətinə əsasən deyirəm. Sanki onlar üçün mövsüm bitməyib. Meydanda çox hərəkətli idilər. Bu, hələ ilk oyunumuz idi. Qarşıdakı görüşlərdə rotasiya da edəcəyik. Bolu toplanışında da çalışacağıq ki, komanda tam istədiyimiz vəziyyətdə olsun”.