İstanbul derbisi: "Qalatasaray" "Beşiktaş"la üz-üzə

Bu gün futbol üzrə Türkiyə Superliqasının XXVI turunda "Qalatasaray" komandası İstanbul derbisində əzəli rəqibi "Beşiktaş"ı qəbul edəcək.

Teleqraf.com xəbər verir ki, “Türk Telekom” stadionunda keçiriləcək matç Bakı vaxtı ilə saat 20:00-da başlayacaq. Oyunun baş hakimi Abdulkadir Bitiqen olacaq.

“Qalatasaray”ın heyətində bu mövsüm 6 qol vuran Adem Büyükün, "Beşiktaş"ın təcrübəli futbolçuları Dorukhan Toköz və Duqlas Pereyranın zədəli olduqları üçün mərkəzi görüşdə meydana çıxmayacaqları gözlənilir.

Bu qarşılaşma iki komanda arasında oynanılacaq 347-ci derbi qarşılaşması olacaq. İndiyədək keçirilmiş 346 oyunda "Qalatasaray" 122, "Beşiktaş" 111 dəfə rəqibindən üstün olub, 113 matç isə heç-heçə başa çatıb.