Daha 10 və ya 15 il baş məşqçi kimi işləmək istəmirəm - Qurbanov

"Çox uzun müddət, indidən sonra 10 və ya 15 il baş məşqçi kimi işləmək həvəsində deyiləm".

Teleqraf.com xəbər verir ki, bunu "Report"a müsahibəsində "Qarabağ"ın baş məşqçisi Qurban Qurbanov deyib.

51 yaşlı mütəxəssis hər insannın gələcəyə dair fikirlərinin və ideyalarının olduğunu bildirib: "Mənim də neçə il bu sahədə çalışacağıma dair, "Qarabağ"da qalmaq və ya qalmamaqla bağlı düşüncələrim var. Belə fikirlərim var, amma açıqlamasam, daha yaxşı olar. Bütün bunları gələcək göstərəcək və irəlidəki dönəmlərdə hər şey nizamlanacaq".