“Böyük futbolda vəziyyət fərqlidir, işi düzgün qurmamışıq” - Fərid Qayıbov

"Azərbaycan komanda idman növlərində uğur qazana bilər. Minifutbol üzrə yığmanın Avropa çempionluğunu buna misaldır".

Teleqraf.com xəbər verir ki, bunu Gənclər və İdman naziri Fərid Qayıbov İnsan Resursları Zirvəsində “Yerin dərinliyindən beyin dərinliyinə köç” mövzusundakı paneldə çıxışı zamanı deyib.

Nazir qeyd edib ki, istənilən komandada uğur qazanmaq üçün rəhbərlikdən çox şey asılıdır: "Bizim idmanda kifayət qədər uğurlarımız var. İstərdik ki, komandalarımız da nəticə əldə etsinlər. Minifutbol yığmamız Avropa çempionatının qalibi oldu. Bütün oyunçular da azərbaycanlılar idi. Bu bizdə alındı. Digər komanda növlərində də müxtəlif nailiyyətlərimiz var".

"Böyük futbolda vəziyyət bir qədər fərqlidir. Yəqin ki, biz burada işi düzgün qurmamışıq", - Fərid Qayıbov əlavə edib.