Azərbaycan klublarının ümumi gəliri məlum oldu

Azərbaycan Premyer Liqasında çıxış edən klubların ötən ilki gəlirləri məlum olub.

Teleqraf.com xəbər verir ki, bu barədə UEFA-nın yaydığı hesabatda qeyd olunub.

Belə ki, 2023-cü ildə 10 klubun ümumi gəliri 47 milyon avrodur. Premyer Liqa klubları bu məbləğin 18 milyon avrosunu kommersiya gəlirindən qazanıb.

UEFA isə 16 milyon avronu Azərbaycan klublarına ödəyib.

Hesabatda digər xərclərin 13 milyon olduğu, bilet satışından isə 1 milyon avro qazanc əldə edildiyi göstərilib.