Benzia Fransa klublarının təkliflərini qəbul etmədi

“Qarabağ”ın futbolçusu Yassin Benzia Fransa klublarının təkliflərini qəbul etməyib.

Teleqraf.com xəbər verir ki, bunu əlcəzairli yarımmüdafiəçinin özü açıqlayıb.

O bildirib ki, Liqa2 təmsilçilərindən təkliflər alıb. Benzia aşağı dəstə klublarında oynamaq istəmədiyi üçün bu variantları qəbul etməyib: “Cari mövsümdə artıq 40-dan çox oyun keçirmişəm. Avropa Liqasında da oynamışam. Mənə Fransa Liqa2-dən təkliflər var idi. Amma mən özümü o səviyyədə görmək istəmədim. Əla mövsüm keçirirəm. Mən xoşbəxtəm. Sonda planımız istədiyimiz kimi gerçəkləşdi”.

Qeyd edək ki, Benzia mövsümün 41 matçında 13 qol və 10 assistə imza atıb.