Maksim Medvedev karyerasını başa vurdu

"Qarabağ"ın futbolçusu Maksim Medvedev karyerasını başa vurub.

Teleqraf.com xəbər verir ki, bu barədə "köhlən atlar"ın "Zirə"yə qarşı keçirdiyi Azərbaycan Kubokunun final oyununda məlumat verilib.

Qarşılaşmadan əvvəl təcrübəli müdafiəçiyə xatirə hədiyyələri təqdim edilib.

Kapitan sözügedən görüşə ehtiyat oyunçular skamyasında başlayıb.

Qeyd edək ki, 34 yaşlı futbolçu 2006-cı ildə Ağdam təmsilçisinin əsas komandasında debüt edib. O, 2009-cu ildən Azərbaycan millisinin formasını geyinib.