Mbappe “Real”da

Fransalı futbolçu Kilian Mbappe “Real”a keçib.

Teleqraf.com xəbər verir ki, bu barədə “Kral klubu” rəsmi saytında məlumat yayıb.

Mbappenin “Real” ilə müqavilə müddəti 2029-cu ilə qədərdir. Futbolçu daha əvvəl sosial şəbəkədə 2023/2024 mövsümünün sonunda PSJ-ni tərk edəcəyini açıqlamışdı.

Xatırladaq ki, 2017-ci ildə icarə əsasında PSJ-yə keçən 25 yaşlı hücumçu 2018-ci ilin yayında “Monako”dan paytaxt klubuna satılıb. Bu müddət ərzində o, bütün turnirlərdə 306 matçda iştirak edib, 255 qol vurub və 108 məhsuldar ötürmə edib.

Kamerun əsilli oyunçu ötən mövsüm PSJ-nin heyətində 48 oyun keçirib, 44 qol vurub və 10 məhsuldar ötürmə verib. “Transfermarkt” portalı fransalı forvardın bazar dəyərini 180 milyon avro olaraq qiymətləndirir.