Ronaldo futbol ilə vidalaşır - "Bu, son klubum olacaq"

Beşqat "Qızıl top" sahibi portuqaliyalı futbolçu Kriştiano Ronaldonun karyerasında sonuncu klub "Əl-Nəsr" olacaq.

Teleqraf.com xəbər verir ki, bu barədə X sosial hesabında insayder Fabrizio Romano qeyd edib.

O, Ronaldodan sitat gətirərək yazıb: "Bu yaxınlarda, iki-üç il ərzində təqaüdə çıxacağam, bilmirəm. Amma çox güman ki, burada "Əl-Nəsr"də təqaüdə çıxacağam. Bu klubda çox xoşbəxtəm, Ərəbistanda özümü yaxşı hiss edirəm və burada davam etmək istəyirəm".

Qeyd edək ki, portuqaliyalı ulduzun 39 yaşı var. O, Çempionlar Liqasının beşqat qalibi, Avropa çempionu və Millətlər Liqasının qalibidir. Futbolçu karyerası ərzində “Sportinq”, “Mançester Yunayted”, “Real Madrid”, “Yuventus” kimi futbol klublarında forma geyinib. O, 2023-cü ildən "Əl-Nəsr"də çıxış edir.