Şəhriyar Məmmədyarovla Maykl Adams sülhlə ayrıldı

Bu gün Şəmkirdə Vüqar Həşimov Memorialının yekun turunda maraqlı oyunlar gedir.

Trend-in məlumatına görə, yekun turda Azərbaycan qrossmeysteri Şəhriyar Məmmədyarov və Böyük Britaniya nümayəndəsi Maykl Adams öz partiyalarını birinci başa çatdırıblar. Oyun təqribən iki saat davam edib və 270-ci gedişdən sonra rəqiblər heç-heçəyə razılaşıblar. Yekun tur ərəfəsində Azərbaycan qrossmeysterinin 3,5, ingilis şahmatçının isə 3 xalı vardı.

Qeyd edək ki, nə Ş.Məmmədyarov, nə də M.Adams qələbə qazansaydı belə mükafatçılar sırasına düşə bilməyəcəkdi.

Maqnus Karlsen (Norveç) - Rauf Məmmədov (Azərbaycan), Fabiano Karuana (İtaliya) – Vişvanatan Anand (Hindistan), Aniş Giri (Hollandiya) – Vladimir Kramnik (Rusiya) və Maksim Vaşye-Laqrav (Fransa) – Uesli So (Amerika) partiyaları hələ davam edir.