Levandovski “Real”a niyə keçməyib?

Hazırda heç bir klubda çalışmayan Karlo Ançelotti "Bavariya"nın və Polşa millisinin hücumçusu Robert Levandovski haqda danışıb.

Komanda.az xəbərt verir ki, italyan mütəxəssis "Çelsi"də və "Real"da çalışdığı zaman Levandovskini komandasında görmək istədiyini deyib:

"Levandovski həmişə yaxından izlədiyim oyunçulardan olub. Xüsusilə "Borussiya"da oynadığı zaman. Levandovski həmişə tək mənim yox, bir çox məşqçinin diqqət mərkəzində olub. Ancaq mən onu bir qədər tez - hələ "Çelsi"də çalışdığım zamandan izləyirdim.

"Real"da çalışdığım zaman onun transferini arzulasam da, bir qədər gecikdik və o, "Bavariya"nı seçdi".