“Çelsi”nin yeni baş məşqçisi

Joze Mourinyonun istefasından sonra “Çelsi”nin baş məşqçisiz günləri çox çəkməyəcək.

Komandanın vakant postu Quus Hiddinqə tapşırılıb.

Onunla mövsümün sonuna kimi müqavilə imzalanıb. Məlumata görə, Hiddinq artıq sabahdan yeni iş yerində ilk məşqinə çıxacaq və “Sanderlend”lə oyunda komandasının başında olacaq. Digər bir məlumatda isə bildirilir ki, hollandiyalı mütəxəssisə bu postda “zadəganlar”ın keçmiş futbolçusu Didiye Droqba kömək edəcək.

Qeyd edək ki, 69 yaşlı mütəxəssis daha əvvəl 2008/2009 mövsümündə də londonluların baş məşqçisi olub.

Apasport.az