Buffondan yeni rekord

"Yuventus"un qapıçısı Canluici Buffon yeni rekorda imza atıb.

38 yaşlı qolkiper buna "Sassuolo" ilə A Seriya matçında nail olub.

Turin təmsilçisinin 1:0 hesabı ilə qalib gəldiyi görüşdə Buffon qapısının toxunulmazlığını qoruyaraq klubun əfsanəsi Dino Zoffun 903 dəqiqəlik rekordunu yeniləyib.

Ümumilikdə 926 dəqiqədir qapısında qol görməyən italiyalı qolkiper 1994-cü ildə "Milan"ın qapısını qoruyan Sebastiano Rossinin 929 dəqiqəlik A Seriya rekordunu təzələməyə çox yaxındır. Bunun üçün Buffona daha 4 dəqiqə qapısını toxunulmaz saxlamaq kifayət edəcək.(qol.az)