Qazaxıstan istiqaməti dəyişdi – Azərbaycanı seçdilər

Qazaxıstan neftini Xəzər və Qara dənizlər vasitəsilə nəql etmək üçün yeni tankerlər alır.

Teleqraf.com xəbər verir ki, bu barədə ABŞ-ın “Blumberq” agentliyi məlumat yayıb.

Agentliyin iddiasına görə, Mərkəzi Asiyada ən böyük neft istehsalçısı olan ölkə Rusiyadan keçən əsas ixrac boru kəmərinə alternativ axtarır.

“KazMunayQaz” neft şirkəti artıq “qara qızıl”ın Xəzər dənizi ilə (Azərbaycan üzərindən) nəqli üçün iki tanker alıb. Qara dənizdə istismar üçün daha iki gəminin alınması planlaşdırılır.

“Blumberq”ə görə, Qazaxıstan hakimiyyəti tranzit marşrutlar üçün alternativləri araşdırır. Buna baxmayaraq, Rusiya ərazisindən keçən Xəzər Boru Kəməri ölkədən neft ixracı üçün ən sərfəli marşrut olaraq qalır.