Neft şirkətində kütləvi ixtisarlar - 9 min nəfər işdən çıxarılır

Neftin qiymətinin kəskin şəkildə ucuzlaşması bir sıra iri enerji şirkətlərində işçilərin öz işini itirməsinə səbəb olub. Hətta dünyanın ən nəhəng neft şirkətləri belə işçilərin bir hissəsini ixtisar etmək barədə götür-qoy edirlər.

Dünyada ən iri neft-servis kompaniyası olan Schlumberger Ltd də neft bazarında qiymətlərin ucuzlaşması səbəbindən 9 min əməkdaşını (7 faiz) ixtisar etməyi planlaşdırır.

Teleqraf.com TASS informasiya agentliyinə istinadən xəbər verir ki, ixtisarlar nəticəsində Amerika şirkətinin ildə 296 milyon dollar vəsaitə qənaət edəcəyi gözlənilir. 2014-cü ilin dördüncü rübü ərzində kompaniya 302 milyon dollar qazanıb ki, bu da əvvəlki ilin analoji dövrü ilə müqayisədə 82 faiz azdır.

Qeyd edək ki, Schlumberger Ltd neft-qaz sahəsində aparıcı texnologiya təchizatçısıdır.