“Biznesim yoxdur, gəlirim ancaq toylardandır” - Mətanət İsgəndərli

“Qazancımın çoxunu mahnılarıma xərcləyirəm. Yaradıcılıq dövrümdə əldə etdiyim hər şeyi mahnılarıma yatırmışam. Minə yaxın mahnım var. Hər müğənni bu qədər mahnıya pul vermir”.

Bu sözləri Axşam.az-a açıqlamasında əməkdar artist Mətanət İsgəndərli deyib.

Müğənni bildirib ki, əlavə qazanc yeri, biznesi yoxdur: “Qazancım ancaq toylardandır. Gəlirimin bir hissəsini mahnıya, yarısını geyimlərimə verirəm. Qalanını isə evimin xərcinə ayırıram. Səhnə geyiminə xüsusi diqqət yetirirəm, hamısı gözəl olmalıdır. Məhərrəm ayında bəzi ifaçılar bizneslərindən gələn gəlirlə dolanırlar. Məndə isə belə bir şey yoxdur. Qazancımdan ayırıb özümə dəmdəsgah qurmadım. Mənim var-dövlətim mahnılarımdır. Əlavə biznesin, gəlir yerinin olması yaxşıdır. Amma mən bunu etmədiyimə görə peşman da deyiləm.

Toyların olmamasından istifadə edib, valideynlərimə vaxt ayırıram. Bir də studiyada mahnılar yazdırıram”.