Arvadı Fərdadan nəyə görə ayrılıb? - Aktyordan qəribə cavab

Məşhur aktyor Fərda Xudaverdiyev boşanıb.

Aktyorun ailəsinin dağılmasına səbəb onun həyat yoldaşı Günel xanıma xəyanət etməsi olub.

Xəyanətə dəfələrlə göz yuman xanımı sonda bezərək uşaqlarını da götürərək evi tərk edib. Daha sonra aktyorun həyat yoldaşı məhkəməyə müraciət edib.

Fərda Xudaverdiyev mövzu ilə bağlı cavabını "Xəbərçi"yə mesajla yollayıb. Jurnalistlərdən incikliyini belə büruzə verən aktyor məsələ barədə nə “hə”, nə də ki, “yox” deyib:

“Həqiqətən çox təşəkkür edirəm ki, Şafak Sezer kimi Türkiyəmizin komediya ustası ilə görüşümüzü diqqətdə saxlamısınız, bu bir azərbaycanlı jurnalist olaraq sizin uğurunuzdur. Bakımızda qalada olan Ahmet Kural, Murat Cencir ilə görüşümüz isə diqqətinizdən qaça bilməzdi, amma mən bunu da yüksək qiymətləndirirəm.

Azərbaycanımızı yüksək səviyyədə təmsil etməkdən qürur duyduğum kimi, eyni duyğularla mənə qoşulan hər bir vətəndaşım mənim baş tacımdı. Hər zaman bax belə əl-ələ, qəlb-qəlbə ...”.

Qeyd edək ki, Fərda Xudaverdiyev 2010-cu ildə Günel xanımla ailə həyatı qurmuşdu. Onların bu evlilikdən Mətin və Amin adlı iki oğulları var.