Trampdan türkiyəli ulduzlara pis xəbər - Foto

ABŞ prezidenti Donald Tramp hər il qeyd olunan və türkiyəli ulduz Şeyma Subaşının qatıldığı Burning Man Festivalının keçirildiyi əraziyə 16 km uzunluğunda divar çəkdirəcəyini bildirib.

Teleqraf.com xəbər verir ki, Tramp həmçinin festivalın ləğv oluna biləcəyini də qeyd edib. "Black Rock" şölündə hər il avqust-sentyabr aylarında keçirilən və 9 gün davam edən Burning Man Festivalı 1986-cı ildən keçirilir.

Türkiyədən festivala Şeyma Subaşı, Süreyya Yalçın və Oğulcan Engin kimi məşhurlar qatılırlar. Paris Hilton, Shanina Shaik, Cara Delevingne, Alessandra Ambrosio kimi dünya ulduzları da festivalda iştirak edirlər.

Festivalın keçirildiyi Nevada əyalətinin rəhbərliyi təhlükəsizliyin təmin edilməsi üçün divar çəkilməsi və ya təhlükəsizlik işçilərinin sayının artırılmasını tələb etsə də, təşkilatçılar bununla razılaşmayıblar.

Tramp isə məsələ ilə bağlı daha sərt danışaraq festivalın ləğv edilə biləcəyini qeyd edib.