30 Noyabr 2022 15:17
421
12 Punto 14 Punto 16 Punto 18 Punto

Müğənni Hiss gələn ay ilk albomunu təqdim edəcək.

Teleqraf.com xəbər verir ki, dekabrın 2-də sənətçinin “Mars” adlı yeni layihəsinin buraxılışı olacaq.

Bir müddət əvvəl adı açıqlanan alboma yeddi yeni bəstə daxil ediləcək. Musiqi işinin birinci mahnısı “Unuduram” noyabrda təqdim olunub və yutubda 1 milyondan çox baxış toplayıb.

Bu layihədə Hissin “Karma” və "Kəpənəklər” hitlərinin müəllifi Abbas İsmayılın “İddia” adlı təzə mahnısı da yer alıb.

Həmçinin, bura ifaçının ilk dəfə çalışdığı Rafael İntihadan iki bəstə əlavə edilib ki, onlar “Betərin betəri” və alboma adı qoyulan “Mars”dır. “Sayıram”, “Cəsarət” kimi uğur qazanan treklərin müəllifi olan Miro bu dəfə sənətçi üçün “Ulduzların Altında”, “Varmı” və hazırda onlayn olan “Unuduram”ı hazırlayıb.

Alboma daxil olan sonuncu, yəni yeddinci “Nasa” trekini isə “Od synaps” yazıb.


Müəllif: Teleqraf.com