Ancelina Coli Roma Papası ilə görüşdü - FOTO

Amerikalı aktrisa Ancelina Coli Vatikanda Roma Papası ilə görüşüb.

Bu barədə The Wall Street Journal məlumat yayıb.

Teleqraf.com xəbər verir ki, Coli rejissoru olduğu "Qırılmaz" filmini rəsmi şəxslərə təqdim etmək üçün Vatikana gedib. Dini qurumların nümayəndələri bildiriblər ki, film pozitiv mənəvi dəyərlərlə zəngindir.

Ekran əsəri 1936-cı ildə Berlin Olimpiya oyunlarında iştirak edən amerikalı Lui Zamperini haqqındadır. O qaçış yarışında qələbə qazanmasa da, məlum olmayan səbəblərə görə Hitlerin diqqətini cəlb edir və iqamətgahına dəvət olunur.

Qeyd edək ki, filmin premyerası dekabrın 25-də baş tutub.

Rüstəm