Hiss "Nostalgiya" yaşadacaq - Video

Müğənni Hiss növbəti işini təqdim edib.

Teleqraf.com xəbər verir ki, sənətçi "Nostalgiya" adlı mahnısına ekran həyatı verib.

Bəstənin sözləri və musiqisi Asoundady (Abbas İsmayılov), arajimanı isə Nihad Məlikova məxsusdur. Çəkilişlərinə iyunda start verilən klip Lənkəranda baş tutub. Klip Emil Jaar (Emil Həşimli) tərəfindən lentə alınıb. Quruluşçu rejissoru və operatoru da elə Emil özüdür.

"Sevənlərimə söz verdiyim kimi artıq onları çox gözlətməyəcəyəm. "Nostalgiya" mahnınısını düşünürəm ki, hamı bəyənəcək. Fasiləsiz bu yayın sonuna növbəti yeni treklərimi də ard-arda təqdim edəcəyəm" - deyə Hiss bildirib.

Klip subyektiv kadrlarla çəkilib. Hiss bu klipdə avtostop çəkərək maşınına minib tanış olduğu adamın gözündən göstərilir. Klip sənətçinin rəsmi "YouTube" kanalında yaymlanmaqdadır.