Murad Arif türk müğənninin mahnısını oxuyub - VİDEO

Bəstəkar-aparıcı Murad Arif ifaçı kimi növbəti işini mediaya təqdim edib.

​

Teleqraf.com xəbər verir ki, ifaçı Türkiyənin tanınmış müğənnisi Mirkəlamın repertuarından olan “Tavla” adlı bəstəni oxuyub: “Yeni ifa etdiyim mahnını uşaqlıq illərimdən sevmişəm. Artıq 20 ildir ki sözlərini əzbər bildiyim bir bəstədir. Bu mahnı ilk dəfə 1994-cü ildə Türkiyənin tanınmış müğənnisi Mirkelamın albomunda yayımlanıb. Mahnının söz və musiqisi de elə onun özünə məxsusdur. Mahnının necə ərsəyə gəlməsi barədə danışmaq istəyirəm. Bu yaxınlarda Türkiyənin “Nömrə 1! aranjemançısı İskəndər Paydaşla tanış oldum. Onun Mirkelamla iş birliyinə və özəlliklə "Tavla" (nerd oyunu) mahnısına olan sevgimi bildirdim. Bir müddət sonra, İskender bəy bu mahnını yeni aranjemanda hədiyyə etdi. Yəni mahnını müəlliflərin rəsmi icazəsi ilə oxudum. Çox xoşbəxtəm ki, mahnı mən istədiyim kimi alındı. “Tavla” çox sevdiyim Funk janrında yazılmış bir türk pop mahnısıdır. Tezliklə bu bəstəyə klip çəkdirməyi də düşünürəm. Bu mahnı mənim yeni bombamdır. Partlayacaq. Ehtiyatlı olun”.

Qeyd edək ki, M.Arifin ifaçı kimi mediaya çıxardığı ilk mahnısı “Həyat yoldaşımsan” olub.

Rüstəm