Təranənin qızından tənqidlərə cavab: "Bizim kimi cütlüklər azdır"

Müğənni Təranə Qumralın qızı Qumral MTV Azərbaycan kanalında yayımlanan "Balkanla gecə turu" verilişində ünvanına yazılan tənqidlərə cavab verib.

Teleqraf.com xəbər verir ki, Qumral bu sözləri deyib: "Ünvanımıza tənqidi şərhlər yazanlara aqressivliyim yoxdur. Mənə pis olana və pis şərh yazanlara sadəcə gülürəm. Amma bəzən elə olur ki, əxlaqdan-namusdan danışırlar. Gəlsinlər bizə baxsınlar, nümunəyik. Bu gün bizim kimi cütlüklər azdır. Məni bəyənən və bəyənməyənlərə demək istəyirəm ki, sizi sevirəm".

İfaçı onu da qeyd edib ki, şou-biznesə daxil olmur: "Mən şou-biznesdə yoxam. Öz həyatım, ailəm və işimlə məşğulam. Nə qədər şou-biznesə daxil oldunsa o qədər qalmaqal yaşayırsan. Küsülü olduğum məşhur da yoxdur. Çünki heç birini şəxsən tanımıram".

Qeyd edək ki, Qumral Natiq Abdul adlı şəxslə evlidir.