Məşhur müğənni sevgilisini qoyub qaçdı - FOTOLAR

"Duman" qrupunun solisti Kaan Tangözün sevgilisi Kıvılcım Uralın da olduğu konsertində qalmaqal yaşanıb.

Kaan həyat yoldaşı Seçkin Pirilerlə evliliyini bitirməyə səbəb olan Kıvılcımla məkanın arxa qapısından çıxmaq istəyib. Lakin media nümayəndələri ilə ifaçının mühafizəçiləri arasında qarşıdurma yaranıb. K.Tangöz dərhal taksiylə təkbaşına oradan ayrılıb.

Kıvılcım Ural isə dostlarıyla birgə dayanacaqda gözləməli olub. Gənc qadın bir müddət gözlədikdən sonra yenidən konsertin olduğu məkana girərək, qabaq qapıdan çıxıb. Kaanın sevgilisini tək qoyması birmənalı qarşılanmayıb.

Qeyd edək ki, K.Tangöz səhnəyə çıxarkən "bütün pis şeylərə rəğmən yenə səhnədəyəm" deyərək bir neçə gün əvvəl Ankarada baş verən terror hadisəsinə söz atıb. //axşam.az