Xərçəngə qarşı güclü silah - Zəncəfil və bir diş sarımsaq...

Ədviyyatlar hər bir insanın pəhrizində ən mühüm rol oynayır və onlardan bəziləri təhlükəli xəstəliklərə qarşı ən güclü silah rolunu oynayır.

Teleqraf.com Rusiya mətbuatına istinadla xəbər verir ki, bunu immuno-diyetoloq Anna Şutova deyib.

“Bu yaxınlarda alimlər müəyyən ediblər ki, bəzi ədviyyatlar xərçəng əleyhinə xüsusiyyətlərə malikdir. Məsələn, gündə yalnız bir diş sarımsaq yemək xərçəngə tutulma və irəliləmə riskinizi əhəmiyyətli dərəcədə azalda bilər. Zəncəfil də rəsmi olaraq xərçəng əleyhinə ədviyyatlar siyahısına daxil edilib", - Şutova vurğulayıb.

O qeyd edib ki, cəfəri, darçın, zəfəran, nanə, kəklikotu, oregano, reyhanın da xərçəngin müalicəsi və qarşısının alınması ilə bağlı effektivliyi dəfələrlə sübut edilib.

“Əlbəttə ki, ədviyyatların heç biri xərçəng müalicəsini əvəz edə bilməz. Bununla belə, bu sahədə aparılan bütün araşdırmalar bu ədviyyatların profilaktik məqsədlər üçün və ailəsində xərçəng xəstəliyi olan insanlar üçün həqiqətən çox faydalı olduğunu göstərir. Bəlkə də onların istifadəsi onlara meylli insanlarda şişlərin inkişafına mane olur ", - deyə Şutova əlavə edib.