Xərçəngə yaxalanan kral III Çarlz belə müalicə olunacaq

Kral III Çarlz xərçəngin müalicəsi üçün ənənəvi dərmanlardan imtina edəcək.

Teleqraf.com xəbər verir ki, bu fikri Britaniya kral ailəsi üzrə ekspert, BBC-nin keçmiş jurnalisti Tom Bauer "Daily Express"-ə açıqlamasında deyib.

O xatırladıb ki, III Çarlz həmişə kimyaterapiyaya qarşı olub və həmçinin alternativ təbabətin tərəfdarıdır.

"O, təbii otlar, iksirlər və bu kimi şeylərlə şəfa almaq istəyir", ekspert bildirib.

Britaniya kralı III Çarlzın xərçəng xəstəliyinə tutulduğunu Bukingem Sarayı rəsmi olaraq açıqlayıb.