Televiziyaya daha çox hansı ölkələrdə baxılır?

“Ofcom” şirkəti televizorun hansı ölkələrdə daha populyar olması ilə bağlı statistika təqdim edib. Tədqiqatda Avropa ölkələri, eləcə də dünyanın bir sıra böyük dövlətləri iştirak edib.

Sorğuya görə, birinci yeri televizora baxma vaxtının orta hesabla 4 saat 42 dəqiqə təşkil etdiyi ABŞ tutub ki, bu da dünya orta göstəricisindən 1 saat çoxdur.

Böyük Britaniyada orta statistik sakin televizor qarşısında 3 saat 40 dəqiqə keçirir. Bu, dünyanın orta göstəricisindən 1 dəqiqə azdır. Ölkədə ev təsərrüfatlarının 42 faizində televizor mövcuddur. Bu göstərici yalnız İspaniyada yüksəkdir.

Həmçinin qeyd olunur ki, Çin və İsveçdə televizora baxma vaxtı 2 saat 33 dəqiqəyə bərabərdir, - " www.itc.ua” yazır.