Separatçıların girov götürdüyü hərbçimiz Bakıya gətirildi - Yeniləndi

Ağdərədə ermənilər tərəfindən saxlanılan azərbaycanlı Cəmil Babayev Azərbaycana qaytarılıb.

Teleqraf.com xəbər verir ki, bu barədə əsir düşmüş, girov götürülmüş vətəndaşlarla iş üzrə Dövlət Komissiyasından məlumat verilib. Məlumatda bildirilir ki, C. Babayev Rusiya sülhməramlılarının vasitəçiliyi ilə Azərbaycana qaytarılırb.

C. Babayev Artur Nalbandyan və Aramais Torozyan adlı 2 erməni əsgərlə dəyişdirilib.

20:05

Azərbaycanın Xankəndi şəhərində separatçılar tərəfindən girov götürülmüş hərbçimiz Cəmil Babayev təyyarə ilə Bakıya gətirilir.

Teleqraf.com xəbər verir ki, bu barədə Ermənistanın "Sputnik Armenia" saytı məlumat yayıb.

Qeyd olunur ki, Rüstəm Muradovun müşayiəti ilə iki hərbi əsir – Artur Nalbandyan və Armais Torozyan azərbaycanlı hərbçi Cəmil Babayevlə dəyişdirilir.

Ermənistan mətbuatı avqustun 25-də Cəmil Babayevin Rusiya sülhməramlılarının nəzarətində olan Ağdərədə tutulduğu barədə məlumat yaymışdı.

Xatırladaq ki, Müdafiə Nazirliyi Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Babayev Cəmil Natiq oğlunun Gəncə hospitalının psixiatriya bölməsini özbaşına tərk etdiyini və haqqında cinayət işi başlanıldığını bildirib.