Azad olunmuş ərazilərdə seçici fəallığı daha çox müşahidə edilir - MSK üzvü

Prezident seçkiləri ilə bağlı hər hansı bir neqativ hadisə ilə bağlı ərizə, şikayət və pozuntu barədə məlumat daxil olmayıb.

Bu sözləri Teleqraf.com-a Mərkəzi Seçki Komissiyasının (MSK) üzvü Ramiz İbrahimov deyib.

R.İbrahimov bildirib ki, azad olunmuş ərazilərdə seçici fəallığı daha çox müşahidə edilir:

"İlk dəfədir ki, Azərbaycanın bütün ərazilərində seçkilər keçirilir. Azad olunmuş ərazilərdə 23 mindən artıq seçicinin öz səsvermə hüququndan istifadə edəcəyi gözlənilir. Həmçinin siyahıda olanlardan əlavə qeydiyyatdançıxma vəsiqələri və həmin ərazilərdə abadlıq-quruculuq işlərində iştitərak edənlərin səsvermə hüquqları təmin edilir. Seçicilərin öz iradələrini sərbəst şəkildə ifadə etmələri üçün MSK tərəfindən bütün tədbirlər görülüb. Prezident seçkiləri ilə bağlı bu saata qədər hər hansı bir neqativ hadisə ilə bağlı ərizə, şikayət və pozuntu barədə məlumat daxil olmayıb".