Bakıda azyaşlı əcnəbini vuran sürücü axtarılır

Bakının Səbail rayonunda azyaşlının yaralanması ilə nəticələnən yol qəzası olub.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Ü.Hacıbəyov küçəsində qeydə alınıb. Müəyyən edilməmiş avtomobillə Qazaxıstan vətəndaşı, azyaşlı Əminə Nəbiyeva vurulub. Ona xəstəxanada ilkin tibbi yardım göstərilib.
Səbail rayon Polis İdarəsi tərəfindən əməliyyat-axtarış tədbirləri aparılır.

Hacı Zeynalov