Hamamda bıçaqlanan qadından – Mesaj

Antalyanın Kəmər bölgəsində hamamda bıçaqlı şəxsin hücumuna məruz qalan40 yaşlı turist Əməl Yusubova ona dəstək olanlara sosial media vasitəsi ilə təşəkkür edib.

Teleqraf.com xarici mediaya istinadla xəbər verir ki, Əməl Yusubova Kəmərin Göynük məhəlləsində hamamda çimərkən evə daxil olan 14 yaşlı yeniyetmə tərəfindən 8 bıçaq zərbəsi alıb.

O, xəstəxanada müalicə aldıqdan sonra evə buraxılıb.

Evə dönən Əməl Yusbova ona dəstək olanlara sosial mediadan təşəkkür edib: “Mənim üçün ürəkdən dua edən hər kəsə təşəkkür edirəm. Bəlkə də etdiyim yaxşılıqlar məni həyata qayıtardı. Çünki bu vəziyyətdən sağ çıxmağım imkansız idi. Bu, Rəbbimin möcüzəsidir” .

Əməl Yusubovanı bıçaqla yaralayan yeniyetmə hadisədən sonra polis tərəfindən saxlanılıb.