Üç rayonda anti-narkomaniya – Əməliyyatı

Xətai rayon Polis İdarəsi əməkdaşlarının əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən şəxs saxlanılıb.

Teleqraf.com xəbər verir ki, araşdırmalarla onun Bakı şəhər sakini Akif Axıyev olduğu məlum olub.

Onun üzərində 0,18 qram heroin aşkar edilib.

Akif Axıyevin yaşadığı evə də baxış keçirilib, oradan əlavə olaraq 301,109 qram heroin, 1,561 qram tiryək və 0,9 qram “Tromodol” aşkar edilərək götürülüb.

Neftçala rayon polis şöbəsi əməkdaşları tərəfindən saxlanılan Aşağı Qaramanlı kənd sakini Seymur Xankişiyevin üzərindən 11 qram, evinə baxış zamanı isə 385 qram marixuana aşkarlanıb.

Oxşar əməliyyatı Hacıqabul rayon polis şöbəsinin əməkdaşları da keçirib. Rayon sakini, əvvəllər məhkum olunmuş İmadil Qocamanovdan 445 qram marixuana götürüblər.