Neftçala sakinindən silah və narkotik tutuldu

Neftçala rayon polis şöbəsi əməkdaşlarının əldə edilmiş əməliyyat məlumatı əsasında keçirdikləri tədbir nəticəsində narkotiklərin qanunsuz dövriyyəsində şübhəli bilinən şəxs saxlanılıb.

Teleqraf.com xəbər verir ki, araşdırmalarla onun Həsənabad qəsəbə sakini, əvvəllər məhkum olunmuş Rəşad Abdullayev olduğu məlum olub.

Baxış zamanı onun üzərindən 55 qram marixuana aşkar edilib.

Rəşad Abdullayevin yaşadığı evə də baxış keçirilib. Oradan 1 kiloqram 445 qram marixuana və müvafiq sənədləri olmayan “TOZ-8” markalı tüfəng də aşkar edilib.

Faktla bağlı cinayət işi başlanıb.