Yanan evdən 7 yaşlı uşağın meyiti çıxarıldı

Zaqatalada evdə yanğın olub.

Teleqraf.com Fövqəladə Hallar Nazirliyinin rəsmi saytına istinadən məlumat verir ki, Zaqatala şəhərində vətəndaşa məxsus ümumi sahəsi 100 kv.m olan ikimərtəbəli evin 2-ci mərtəbəsində 1 otağın, dam örtüyünün yanar konstruksiyaları və ev əşyaları 40 kv.m sahədə yanıb. Evin qalan hissəsi yanğından mühafizə olunub.

Yanğınsöndürənlər tərəfindən yanğın yerinin kəşfiyyatı zamanı 2007-ci il təvəllüdlü Vaqif Vüqar oğlu Əliyevin meyiti aşkar olunub.

Yanğın saat 15:19-də yanğınsöndürənlər tərəfindən söndürülüb.