Bulvarda gənci bıçaqladılar

Bakının Səbail rayonunda bıçaqlanma hadisəsi baş verib.

Bu barədə Teleqraf.com-a Səbail rayon Polis İdarəsindən məlumat verilib.

Məlumata görə, hadisə Milli parkda, saat qülləsinin yanında qeydə alınıb. Bakı şəhər sakini, 1994-cü il təvəllüdlü Çingiz Əliyev naməlum şəxs tərəfindən bıçaqlanıb. O, Kliniki Tibbi Mərkəzə yerləşdirilib.

Hadisənin səbəbləri məlum deyil. İlkin məlumata görə, Çingiz Əliyev bulvarda gitara ilə musiqi ifa edirmiş

Faktla bağlı cinayət işi başlanıb.

Hacı Zeynalov