Gəncədə daha bir kriminal avtoritet həbs edildi - Yeniləndi

Gəncədə odlu silah gəzdirməkdə ittiham olunan Sabir Şabanov polis əməkdaşları tərəfindən saxlanılıb.

Teleqraf.com xəbər verir ki, Sabir Şabanov kriminal aləmdə "Saşa" ləqəbli ləqəbi ilə tanınır.

***

09:32

Daxili işlər orqanlarının əməkdaşları tərəfindən Gəncə sakinindən qanunsuz saxlanılan silah-sursat aşkarlanaraq götürülüb.

Daxili İşlər Nazirliyinin mətbuat xidmətindən Teleqraf.com-a verilən məlumata görə, Gəncə Şəhər Baş Polis İdarəsinin Cinayət Axtarışı İdarəsinin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Gəncə şəhər sakini, əvvəllər məhkum olunmuş, 38 yaşlı Bəhram Səmədov saxlanılaraq Baş Polis İdarəsinə gətirilib.

Onun üzərində şəxsi axtarış keçirilən zaman 1 ədəd “ Makarov” tipli tapança, həmin silaha məxsus 5 ədəd güllə sandıqcası ilə birlikdə aşkar olunaraq götürülüb.

Faktla bağlı Cinayət Məcəlləsinin müvafiq maddəsi ilə cinayət işi başlanıb.Bəhram Səmədov kriminal aləmdə "Ramoş" ləqəbi ilə tanınır.

Əməliyyat-istintaq hərəkətləri davam edir.