Qısaqapanma yanğına səbəb oldu

Gürcüstanda azərbaycanlıların kompakt yaşadığı Marneuli rayonundakı Yuxarı Saral kəndində Eldar Mustafayevin evində yanğın baş verib.

Teleqraf.com-un məlumatına görə, bu dəqiqələrdə evin tavanı yanır. Hazırda kənd sakinləri evə su daşıyıb yanğının qarşısını almağa çalışırlar. Hadisə yerinə yanğınsöndürmə briqadası çağırılıb. Hadisə yerinə polis patrul xidməti də gəlib.

Ev sahibi Eldar Mustafayev yanğının elektrik qısaqapanmasından baş verdiyini bildirib. /APA/