Hacı Mətləbin işi – Məhkəmədə

“SalamNews” informasiya agentliyi və “İnteraz”ın rəhbəri Mətləb Bağırovun cinayət işi üzrə ibtidai istintaq başa çatıb.

Teleqraf.com xəbər verir ki, cinayət işi baxılması üçün Bakı Ağır Cinayətlər Məhkəməsinə göndərilib.

İş araşdırılıması üçün hakim Leyla Əsgərova-Məmmədovanın icraatına verilib.

Məhkəmənin hazırlıq iclası fevralın 26-na təyin edilib.

Qeyd edək ki, Hacı Mətləb kimi tanınan Mətləb Bağırov İranın Qum şəhərində və Suriyada dini təhsil alıb. O, ötən il yanvarın 30-da həbs olunub.

Cinayət işi üzrə zərərçəkmiş qismində İqtisadiyyat Nazirliyi yanında Dövlət Vergi Xidməti tanınıb.

Ona qarşı vergidən yayınmaq, qaçaqmalçılıq, narkotik vasitələrin dövriyyəsi və digər bu kimi cinayətlərlə bağlı ittiham verilib.