24 yaşlı gənci öldürən məktəbli yenidən məhkəmə qarşısında

Bakı Apelyasiya Məhkəməsində xüsusi amanszılıqla adam öldürməkdə təqsirli bilinən 1998-ci il təvəllüdlü Anar Səlimovun apelyasiya şikayəti üzrə məhkəmə prosesi başlayıb.

Teleqraf.com xəbər verir ki, ötən il, dekabrın 26-da Suraxanı rayonunda, “Aura” şadlıq sarayının yaxınlığındakı 9 mərtəbəli binanın qarşısında 15 yaşlı Anar Səlimov 24 yaşlı Nazim Həşimovu bıçaqlayaraq öldürüb. Öldürülən 24 yaşlı Nazim Həşimov binanın altında yerləşən internet klubdan cıxarkən 15 yaşlı Anar Səlimovla təsadüfən toqquşub. Mərhum yeniyetmənin ona yol verməməsinə irad tutub.Buna görə də onların arasında mübahisə olub. Bu zaman Anar özündən böyük qardaşını cağıraraq Nazim Həşımovu döyüblər. Nazimin də öz qardaşına zəng etdiyini görən 15 yaşlı oğlan bıçaqla ona 3 zərbə endirib.

Bakı Ağır Cinayətlər Məhkəməsinin hökmü ilə Anar Səlimov 10 il müddətinə azadlıqdan məhrum edilib. Hökmdən narazı qalan Anar Səlimov apelyasiya şikayəti verərək, barəsində daha yüngül cəzanın təyin edilməsini xahiş edib.

Hakim Qail Məmmədovun sədrliyi ilə keçirilən ilkin baxış iclasında Anar Səlimovun anket məlumatları, həmçinin apelyasiya şikayətinin dəlilləri müəyyən edilib. Məhkəmə baxışı iyunun 30-na təyin edilib.

Hacı Zeynalov