Saatlı rayonunda “Xaşxaş-2015” şərti adı altında əməliyyat keçirilib.
Teleqraf.com xəbər verir ki, polis əməkdaşları tərəfindən keçirilən əməliyyat zamanı rayonun Qaranuru kənd sakini, 1963-cü il təvəllüdlü Sahibəli Rüstəmov saxlanılıb.
Onun yaşadığı həyətyanı sahəyə baxış zamanı narkotik tərkibli 93 ədəd çətənə kolu aşkar edilib. Sahibəli Rüstəmovun evindən satış məqsədi üçün 2 litrlik balon və 18 ədəd kibrit qutusuna qablaşdırdığı narkotik vasitə olan qurudulmuş marixuana aşkarlanıb.
Faktla bağlı Saatlı rayon polis şöbəsində cinayət işi başlanıb.
Hacı Zeynalov