Sumqayıtda evlərdən oğurluq edən “zek” həbs edildi

Sumqayıt şəhərində evlərdən oğurluq edən keçmiş məhkum yaxalanıb.

Teleqraf.com xəbər verir ki, Sumqayıt şəhər sakini Şıxəli Hacıəliyevin evindən qızıl üzük və kompyuter oğurlanıb.

Sumqayıt Şəhər Polis İdarəsinin 1-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində oğurluq hadisəsini törədən əvvəllər məhkum olunmuş Tarıyel Rzayev tutulub.

Ətrafında aparılmış əməliyyat tədbirləri ilə onun Elçin Hacıəliyevin və Naibə Bədəlovanın evlərindən məişət əşyaları oğurlaması da müəyyən edilib.

Hacı Zeynalov