Bakıda 25 yaşlı gənc bıçaqlandı

Bakının Sabunçu rayonunda dava zamanı bir nəfər bıçaqlanıb.

Teleqraf.com xəbər verir ki, hadisə rayonun Bakıxanov qəsəbəsi, Sülh küçəsi 2 ünvanında baş verib.

Həmin ünvanda yerləşən “Meqa Plas” restoranını qarşısında Bakı şəhər sakini, 1990-cı il təvəllüdlü Məhəmməd Məmmədov naməlum şəxslərin hücumuna məruz qalıb. Onlar Məhəmməd Məmmədovu döyərək bədən xəsarəti yetiriblər. Daha sonra ona bıçaqla xəsarət yetiriblər.

Məhəmməd Məmmədov ağır kəllə-beyin və bıçaq xəsarəti ilə xəstəxanaya yerləşdirilib. Ona tibbi yardım göstərilib.

Məhəmməd Məmmədov istintaqa verdiyi ifadəsində ona qarşı cinayət törədənləri tanımadığını bildirib.
Sabunçu Rayon Polis İdarəsinin 13-cü polis bölməsi əməkdaşlarının keçirdiyi əməliyyat nəticəsində cinayəti törədən 1990-cı il təvəllüdlü Mətiş Mehrəliyev həbs edilib.

Faktla bağlı cinayət işi başlanıb.

Hacı Zeynalov