22 Fevral 2016 13:06
2 626

“Evlənmək adı ilə aldadıb məni Türkana apardı”

Bakının Xəzər rayonunda itkin düşən qıza təcavüz edilib.

Teleqraf.com xəbər verir ki, bu ilin fevralın 18-də G. N.-nın itkin düşməsi ilə bağlı Xəzər Rayon Polis İdarəsinin 1-ci polis bölməsinə məlumat daxil olub.

Məlumat alan polis əməkdaşları əməliyyata başlayıblar. Amma sonradan . G.N. özü 1-ci polis bölməsinə müraciət edib. O, bildirib ki, evdən gedəndən sonra təcavüzə məruz qalıb.

Onun sözlərinə görə, Türkan qəsəbəsində yaşayan 1985-ci il təvəllüdlü Temruz Quliyev tərəfindən təcavüzə məruz qalıb. G. N. qeyd edib ki, Temruz Quliyev evlənmək bəhanəsilə onu aldadıb və Türkan qəsəbəsinə aparıb. Orada Temruz Quliyev qızla qeyri-təbii yolla cinsi əlaqədə olub.

Faktla bağlı araşdırma aparılır.

Hacı Zeynalov


Müəllif: