Nardaranda cinayət törədən həbs edildi

Bakının Sabunçu rayonunda oğurluq hadisəsi baş verib. Teleqraf.com xəbər verir ki, hadisə rayonun Nardaran qəsəbəsində qeydə alınıb.

Bakı şəhər sakini Əminə Bağırovaya məxsus evdən dini kitab və qızıl əşyalar oğurlanıb. Oğurluq hadisəsinin baş verməsi ilə bağlı Sabunçu Rayon Polis İdarəsinin 42-ci polis bölməsinə müraciət edib.

Polis əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən Famil Mehrəliyev tutulub. Ondan 0,395 qram heroin götürülüb.

Faktla bağlı cinayət işi başlanıb.

Hacı Zeynalov