Şairlə Sumqayıtda görüş keçirildi

Sumqayıt şəhərindəki Səməd Vurğun adına Mərkəzi Kitabxanasının oxucuları Əməkdar incəsənət xadimi, şair Baba Vəziroğlu ilə görüşüblər.

Teleqraf.com-un məlumatına görə, tədbir Sumqayıt Regional Mədəniyyət və Turizm İdarəsinin dəstəyi ilə reallaşıb.

Kitabxananın direktoru Yeganə Əhmədova görüşün məqsədi barədə oxuculara məlumat verib.

Tədbirin qonaqları Əşrəf Şəfiyev, Şeyx Əbdül Mahmudbəyov Baba Vəziroğlunun həyatı və yaradıcılığı barədə geniş məlumat verib, oxucularla söhbət ediblər.

Sonra çıxış edən şair Baba Vəziroğlu görüşün təşkilinə görə kitabxananın kollektivinə təşəkkür edib.