Bəsti Cəfərova xəstəxanadan evə buraxıldı: "Bilmədim, necə yoluxdum"

Koronavirusa yoluxan xalq artist Bəsti Cəfərova xəstəxanadan evə buraxılıb.

Teleqraf.com-a açıqlamasında o, səhhətinin yaxşı olduğunu deyib:

"Xəstəxanadan evə buraxıldım, müalicəm davam edir. On gün heç yerə çıxmaq olmaz. Səhhətim pis deyil, yaxşıdır. Sadəcə zəiflik var. Özümü qoruyurdum, heç yerə getmirdim. Amma bilmirəm virusa necə yoluxdum. Çox ağır xəstəlikdir, kimsə deyir ki, qripə oxşayır. Xeyr... Hər kəs özünü qorusun.

Mən özüm qaydalara riayət edən insanam. Qoxu bilmə var, dad bilmə yoxdur".