29 May 00:38
629
12 Punto 14 Punto 16 Punto 18 Punto

Bu gün Akademik Milli Dram Teatrında “Zəfər yolu” tamaşasının premyerası keçirilib.

Teleqraf.com xəbər verir ki, tamaşa Azərbaycanın haqq savaşı olan 44 günlük Vətən müharibəsinə həsr olunub.

Tamaşanı izləyənlər arasında Xalq artistləri Şəfiqə Məmmədova, Ramiz Fətəliyev, Mehriban Zəki həmçinin tanınmış elm və mədəniyyət xadimləri də yer alıb.

Tamaşanın müəllifi və quruluşçu rejissoru Xalq artisti Azər Paşa Nemətov, rəssamı əməkdar mədəniyyət işçisi İlham Elxanoğlu, bəstəkarı Xalq artisti Siyavuş Kərimi, rejissoru Emil Əskərov, rejissor assistenti Nərmin Həsənovadır.

Yeni yaradıcılıq işində Xalq artistləri Nurəddin Mehdixanlı, Əli Nur, əməkdar artistlər Hicran Nəsirova, Elxan Quliyev, aktyor Elçin Əfəndi, əməkdar artist Mətanət Atakişiyeva, aktrisalar Xədicə Novruzlu, Rada Nəsibova, əməkdar artistlər Mirzə Ağabəyli, Elnar Qarayev, aktrisa İlahə Həsənova, əməkdar artist Anar Heybətov, aktyor İlyas Əhmədov, aktrisa Afət Məmmədova, Aylin Həşimova, əməkdar artistlər Ayşad Məmmədov, Mətləb Abdullayev, Elşən Rüstəmov, aktyor Elsevər Rəhimov, əməkdar artist Rəşad Bəxtiyarov, aktyor Corc Qafarov, aktyorlar Tural İbrahimov, Ramin Şıxəliyev, Elnur Qədirov, Cümşüd Zeynalov, Cavidan Novruz və Vüsal Mustafayev çıxış edirlər.


Müəllif: Nərmin Muradova