Gimnastımız bürünc medal qazandı

Azərbaycan gimnastı Marina Durunda Bakıda keçirilən bədii gimnastika üzrə Dünya Kubokunda lentlə hərəkətlərin yekunu üzrə bürünc medal qazanıb.

Trend-in məlumatına görə, təmsilçimiz finalda 18.500 bal toplayıb.

Birinci yeri 19.400 balla rusiyalı gimnastlar Yana Kudryavtseva və Marqarita Mamun bölüşüblər.

Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparıb. Dünya Kubokunun son günündə ayrı-ayrı növlər üzrə finallar keçirilir.